Tajmilt i Muḥend u Yeḥya – Amenugh ghef ulac



Yiwen uɛeggun tceggɛit yemma-s as-d-yaɣ ulac di ssuq. Iteddu deg ubrid, yufa yiwen yettɛebbi tilajurin. Yena-as :

-Yya ad iyi-d-ɛiwneḍ.

-D acu ara d iyi-d-tefkeḍ ma ɛɛewneɣ-k ?

-Ak ffkeɣ ulac.

-Ulac ! D ayagi i tt-qellibeɣ.

Imi fuken, yenna-as uɛeggun-nni :

-Ffek-iyi-d tura d acu iyi-d-tenniḍ.

-D acu k-in ffkeɣ, ulac !

-Ih ! Ffek-iyi-d ulac.

-Amek ara k-in-ffkeɣ ulac, ulamek ?

-Debber aqerru-ik, nekk bɣiɣ ulac-iw ad d-yali di lqaɛa neɣ ad d-yeɣli deg yigenni.

 

Nnuɣen ɣef wulac. Tagara ruḥen ɣer umɣar azemni akken aten-yefru. Yesla i tedyant-nsen alarmi fuken. Yal yiwen yeḥka-d tadyant-is akken i as-teḍra.

Inna-asen umɣar azemni i uɛeggun-nni :

-Ḥader ! S acu i ak-yeɣlin ɣer lqaɛa ?

Yettnadi uɛeggun-nni deg yilem anda ara yaf ulac, ulac. Yeqqar-asen kan :

-Ulac d acu iyi-ɣlin, ulac…

Inna-as umɣar azemni :

-Ih ! D ulac-nni iɣef tettnadiḍ i ak-yeɣlin, qelleb mliḥ ad t-afeḍ.

Yettnadi alarmi ulac d acu i yufa, dɣa iruḥ.

 

Hemmar Bussaed.

Laisser un commentaire