Asirem



Fahim ibubb tazdemt n yisefra, i teddu ɣer ssuq. I mi yewweḍ, yefsi-d tiyersi, ɣlin-d isefra ɣer lqaɛa.
Yeṭṭef amkan ar yidis n yiwen n UCARLAṬU, yerra iman-is d amejjay, yeznuzuy dwa, yettsuɣu, yeqqar :

-Iyaw ay atma, ad tt-aɣem dwa, tesseḥlay yal aṭṭan.
Imdanen zzin fell-as am tweḍfin, ttaɣen dwa. M d Fahim, yettsuɣu :

-Iyaw ay i msewqen ad taɣem isefra, isefra n Fahim ttarran-d asirem….
Yiwen n umdan yesla-d i wawal-nni n usirem, yenna-as-d :

-Seg wasmi id luleɣ, ur ɣriɣ asefru, ur sɛiɣ asirem. Ma yella wamek, ad iyi-d-zzenzeḍ asirem waḥd-s, acku d wagi kan i uḥwaǧeɣ.

-Ayagi d awezɣi. Ilaq ad teɣreḍ ammud-agi n yisefra. Deg-s ad tafeḍ yeffer usirem.
Amsewwaq yuɣ ammud n yisefra,i teddu, yettxemmim :

-Ur fhimeɣ ara amek itteffaren asirem deg yidlisen. Nekk, deg wasmi d luleɣ,ur ɣriɣ adlis, ihi ɣef waya urǧin sɛiɣ asirem. Ilaq-iyi ad ɣreɣ tamedyazt n Fahim, akken ad d-afeɣ asirem. Ma yella ffkiɣ tamedyazt i walbaɛḍ nniḍen ad iyi-tt-id-yesɣer, ma yella yufa-d asirem-agi, ad t-yawi weḥd-s, ur yid-yettak ara leḥq-iw.

 

Sghur Hemmar Bussaed

Laisser un commentaire