Bufsed (Violette) tebgha ad twali ddunit. Sghur Hemmar Bussaed.



Deg yiwet n tmazirt tettidir yiwet n tjegigt d tamectuht, d tuzyint, tesea iferrawen d irezzazen, qqaren-as bufsed s tmazight, violette s tefransist. Tella tezha gar ijegigen d yimghan is id yezzin armi d yiwen wass ssbeh, terfed aqerruy-is yeccuren d nnda, twala yiwet n twerdet tesea agheddu d aghezfan, d tabahant, teswehmitt. Tughal tennughni, terra-d nnehta s ssut uhzin, tenna-as:

-“Ur seigh ara zzher gar ijegigen. Agama yefka-yi-d lqed d amectuh, ttidiregh ghef yiri n wakkal. Cctaqegh ad waligh igenni negh ad hulfugh i yizenzaren n yitij am ijegigen nniden.”

Tesla-d twerdet, tebgha ad t- sifses ghef wul-is:

-“Ur ttili ara ttanekkart n lxir. Aqli kemm t cebbhed u yerna tettrahed aceki-kemm. »

Bufsed (Violette) mazal-itt tenughni, tettru, tettcekti. Tesla-d Yemma Agama tenna-as:

-“D acu i kemm yughen a tamectuht-iw? Zik-nni, tellid d tuhdiqt, d tamelhant. Tura waqila tebghid ad d- tughal-d d tamenhust ! »

Terra-s bufsed negh violette :

-“Di leenaya-m a Yemma Agama! Kemm teseid tazmert yerna telhid, hnin wul-im. Ttxilem err-i-yi ttawerdet xas lukan yiwen wass.”

-“Ur tegzid ara s twaghit i kemm yettrajun. Atan ad-t ndemmed s wayen ara txedmed!”

-“Err-i-yi kan  d tawerdet taghezfant. Ayen akk ara d yedrun qqeblegh-t!”

Yemma Agama terra targit n bufsed d tilawt. Violette tefreh kra tekka tsebhit. Maca, tameddit ibeddel lhal, yexser. Bdan-d isigna ghumen igenni. Yerna-d ubehri yettsuddu, irennu. T- defred lehwa, tekkat d sixta. Tagara, yerna-d reud izehher am waghzen. Abehri yerza isekla, iqeleed ijegigen. Lhasun ala tijegigin-nni timectah ig selken si lmut. Snemmren-t Rebbi imi itent-id yefka d timectah. Ttmuqqulen-t di bufsed i yughalen d tawerdet, tezzel deg akkal, t degdeg, iferrawen ghlin, agheddu yegzem, ccbaha tqeccem. Mazal itt tedder, teselqaf maca rruh aneggaru mazal ur yeffigh ara, nnan-t-as:

-“Twaladt anda i kemm yesawwed lebghi-inem ieeddan tilas!

Terra-asent send ad d- temmet:

-“Idelli, lligh ttidiregh deg akkal am ijirmed, ur walagh itij, ur walagh igenni, ur walagh ddunit. Ass-a, ughalegh d tawerdet, d tagelidt. Xas mmutegh, wwdegh lebghi-w. Ma d kunemti, kemmlem-t tudert nkent deg akkal am ijirmed.”

Tajmilt i Xalil Gibran Xalil amaru ameqran i yuran adris-a deg wudlis-ines “ORAGES”

 

 

 

Laisser un commentaire