Swis: Tamurt n Yikafriwen? Sghur Hemmar Bussaed.



Tessnem akk tamurt n Swis.Dtamurt tamectuḥt i d-yezgan deg Tuṛuft (Europe), gar Fransa d Lalman.Tamaneɣt-ines d Bern .Izzayriyen akk ttargun ad idiren di tmurt-a.Muḥend d yiwen seg-sen,teffeɣ targit-is ɣer tilawt.Yessen yiwet n tmeṭṭut n Swis s ttawil n ugarnet, teqbel ad tezweǧ yid-s. Asmi i as-id-fkan l visa, yekkat ubendayer n lferḥ deg wul-is.

Iruḥ ɣer tmurt n tirga,yezweǧ d Veronika. Yufa-d axeddim yelhan.Lferḥ-nsen, yal ass yettnerni. Sɛan sin yigerdan d uzyinen: aqcic akked teqcict.

Muḥend yettiddir am ugllid maca txus-it kan yiwet n tɣawsa akken ad yili di temsunt.Iḥemmel imawlan-is.Yecfa i lxir i as xedmen. Maca,ugin ad ruḥen,ad idiren yid-s di tmurt n Swis.Yal tikkelt ideg ara-ten-id-yenced, ad as-inin:

Nekkni d inselmen, ur nettruḥu ara ɣer tmurt n yikafriwen, tamurt n Ccrab d leḥram, tamurt ur numinara s Rebbi d Nnbi…

Yiwen wass, yenna-asen Muḥend : Yyaw ay imawlan-iw ɛzizen, ad tjerbem yiwen waggur ma yella ur tufim ara iman-nwen, ad tuɣalem ɣer Lezzayer. Ulac d acu ara txeṣrem, d nekk ara ixelṣen kullec.

Ruḥen ɣer Swis. Ufan liḥala tecba tamsunt : Imdanen akk sɛan ḍḍrafa d lekyasa, imeḍqan akk cebḥen, iberdan akk zeddigit…

Iɛedda waggur am lebṛaq. Yenna-as Saɛid i Tsaɛdit:

-Iyya-n ihi tura, ad nuɣal ɣer tmurt a tameṭṭut!

-Terra-as Tsaɛdit:

-Ruḥkan ad tuɣaleḍ weḥd-k ma tebɣiḍ ma d nekk, aḥeqq 7 zzbari  wur t-qqileɣ ad uɣaleɣ ɣer tmurt-nni n yikafriwen.

 

BUSSAƐD ḤEMMAR

Laisser un commentaire