Tabexsist



Ruḥeɣ ɣer Yires iwakken ad xerfeɣ. Bdiɣ setteɣ tibexsisin, tamuɣli-w tejbed-itt yiwet n tbexsist tezyen ugar tiyaḍ. Ttmuquleɣ-tt, teɛǧeb-iyi aṭas, ur tuhwan ara ad tt-ččeɣ. Snecleɣ-tt, wehmeɣ deg-s, tuɣal d tazeggaɣt. warǧin walaɣ tabexsist tazeggaɣt am ta.  Wehmeɣ ugar imi tt-ssawḍeɣ ɣer yimi-w, tebda tettsuɣu :

-Rǧu !ɛni ur iyi-d-aɛqileḍ ara ! Nekk d tamdakelt-ik !

-Acimi terriḍ iman-im d tabexsist ?

-Acku ẓriɣ tḥemmleḍ tibexsisin, yerna teẓriḍ tt-setḥiɣ, ma yella ur xdimeɣ ara akka, amek ara yid-ṭṭfeḍ s ifassen-ik, amek ara rrseɣ ɣef tcenfirin-ik ?

-I lukan i kem-ččiɣ, amek ara teḍru yid-m ?

-Bɣiɣ lukan iyi-teččiḍ, ad ruḥeɣ srid ɣer wul-ik, ad ẓẓuɣ dinna taneqlet iwakken ad tt-waliḍ acḥal aɛzizeḍ ɣur-i, acḥal i k-ḥemmleɣ.

 Sghur Hemmar Bussaed

Laisser un commentaire