Tajmilt i Taher Djaout (3): Aeli Lbuliga d Boualem Yekker ttrajun znezla.



Tahbult n yitij tebda tettimzzi cwit cwit ma d tili n yisekla tebda tettumghur. Abehri, am umcic, yetturar d lekwaghed d iferrawen iwraghen id yeghlin gher lqaea. Imdanen cban tili, lehhun ghef tfednin, zhir ulac, d lhafer kan im ara tesled. Boualem Yekker ihulfa i yiman-is yettidir deg adeg, deg akkud, ur sein ara tansa, talsa, azal negh lbenna. Tisemhuyin ur seint ara unughen negh tafat,ur yelli ara umgarad gar asent. As tinni-d tudert tehbes, amadal ur ittezzi, ur ixeddem amahil-ines akken yugh tanumi.

Boualem Yekker tenghat tussaft. Tamettut-is d warraw-is ggan-as-id abehri. Ihulfa s tudert ur tesei ara lbenna xas akka tura yesea tilelli ugar n zik. Yezra ma terza-d lmut ghures, ur yettghid yiwen anagar Aeli Lbuliga. Macci imi d imdukal maca tesduklin tussaft id seghlin irebraben. Yal yiwen yufa wayed d amwanes.

Aeli Lbuliga yezga yettruhud gher tnedlist n Boualem Yekker. Ttghiman di sin i ttlam, ttqessiren ghef twaghit iten yezdin. Achal n wagguren aya ur yezniz Boualem lukan yiwen wedlis. Idlisen yeseantugniwin, unughen, id yettmeslayen ghef tayri, tazuri, cbaha…yeffer iten mulac ad-t zzlun irebraben. Aeli Lbuliga ula d netta ur t-hemmlen ara yimcumen-agi imaynuten. Ur yettzzal ara u yerna yessen ad yurar  allal n uzawan yesea tadist am tmettut. Wigi kerhen azawan. Kerhen akk ayen id yettaken lbenna, tafat negh cbaha i tudert. Seghlin-d lehzen ghef tmurt s lekmal-is. Ala ssut n ccix im ara t- selled deg uzal, deg id. S usawad, ur ttaggan ara imdanen d imudan ad ttsen.

Aeli d Boualem qqimen susmen. Ur ilaq ara ad fken isteqsiyen ara d ibeggnen ccek. Ur ilaq ara ad sqerdcen awal n Rebbi d Nnbi. Win ara ttfen ibeggned ccek, terwi fell-as, yesea zher ma yeslek di lmut.

Aeli yessusem, yessusem, tagara yeqber, yexdem tabghest anect ilat akken ad yinni ayen it iqerhen.

-“ Sligh i kra isalen id yeqqaren ur ilaq ara anehhar ad yawi yid-s rruda tis 5. Ilaq ad yettkel ghef Rebbi macci ghef rruda. Ma yura Rebbi ad yehbes deg ubrid, ad yehbes. Dighen, bghan ad bnun sbitar i tlawin. Taneggarut, amdan ara ttfen berra di lweqt n tzalit, ad yerwu tiyitwin alama yekreh iman-is, yughal-d gher webrid usrid, abrid isegmen, abrid Rebbi d Nnbi.”

Aeli Lbuliga d Boualem Yekker ttrajun znezla.Zran ad as hulfun d imezwura…

Abruy-agi yettwaksed deg udlis n Taher Djaout « Le dernier été de la raison. »                                     Yerra-t-id gher tmazight Hemmar Bussaed.

Laisser un commentaire