Tajmilt i Taher Djaout (5): Tabrat. Sghur Hemmar Bussaed.



Tabrat ur tesei tansa, ur tban ansa id rruh negh anwa itt yuran. Achal aya, Boualem Yekker yettagad ad yeldi tibratin. Yezra ur yettaf ara isalen ara d yawwin tayri, tagmat,talwit negh asirem. Yemekta-d tallit-nni n ttrad id yettawwin ala isalen yeseqrahen.

Afus-is yettergigi cwit imi yettef tajelabt-nni. Isem-is yura s isekkilen d imeqranen. Niqal yekukra ad t-yeldi, yughal icergitt s wurfan am akken ihar ad yekkes aghbel. Iccer-nni n lkaghed yebda s tefyirt id yettbeginen temgher n Rebbi, agellid n yigenwan d lqaea. Ma d izen yeqqar:

-“Ikafriwen uhwagen imdanen yesean tamusni d yidles am keccini akken ad snernin tufghiwin ghef ubrid n Rebbi d Nnbi. Ur ttili ara d allal gar ifasen n ikafriwen. Sexdem tamusni-k d ussan ik id yeqqimen ghef ayen yelhan. Tudert wezilet. Saramegh ad akkid deg yides , ad ughaled gher ubrid usrid, xas akka gzigh asirem-iw d amectuh.

Tugdi n Boualem Yekker tenqes imi yefhem belli macci ttimenghiwt-is i yebgha maca yebgha kan ad yettakki tifra-ines. Llan wiyid ttcegieen lekfen acebhan.

Ad twalid, allagh-inek ad ibeddel tikli, ad yebru i tudert d usirem, ur tettughaled ara ad t-tsed alama temmuted negh temxelled.

Boualem Yekker igger tabrat gher ljib-is, yekcem s axxam. Yezzi-d akk ghef tewwura d twiqan akken ad iwali ma yella zekkren akken iwata. Yethedden cwit lxater-is imi amdan-agi is-id yuran tabrat hnin cwit wul-is, yebgha kan at id yehdu gher ubrid isegmen.

Iruh ad yettes, ihulfa i yiman-is d afesas am yilemzi ur nessin uguren. Yesres aqerru-ines ghef tsumta, yebda yesmehsis i ssut n ubehri yettsudun d lehwa id yekkaten ghef lqermud, zuzunen ides-is. Yebda yesgunfuy, yettnudum, yettargu.

Cwit acema, yesla i tilifun yettsuni. Yekkred s tugdi. Tidi tasemmadt tettcercur ghef udem-is. Ul-is yesqerbub, yenwa ad yeffegh deg umkan-is. Ihulfa i kra yexneq taghect-is. Anwa awaghezniw id yessunin ghef 3h50 dqayeq?

Cwi kan yughal yehbes. Ides yeferfer. Boualem yughal d awragh, yettef aqerru-is, yugad ad yeterdeq.

Yekker yesewwed afenjal n lqahwa. Yefreh imi iwala tafat tsegged ttlam, yesla i tkerrusin lehhunt d iyuzad cennun. Yeslek deg yid amcum, yir targit.

Boualem Yekker yeffegh, iruh gher tnedlist-ines. Imi yewwed gher yiri n yiwen wegraw n warrac, yesla i kra n yimeslayen iqerhanen s deffir-s:

-“Ass aneggaru, ad mghin imezzughen d ighezfanen i yikafriwen.”

Boualem Yekker yeghawel di tikli maca imeslayen-nni ttnernin, ugin ad kksen deg yimezughen-is.

Extrait du roman de Tahar Djaout “Le dernier été de la raison”, adapté par Hammar Boussad.

Laisser un commentaire