Tamaziɣt



Tamaziɣt, yezmer ad att yawi wassif ma tkemmel akka axaṭer insig yekka-d nnig lkanun.

Amer d aberrani ara d yekren, ad ihud axxam n Tmaziɣt, ad nekker am yiwen, as nini: ḥbes! Anect-a d lbaṭel, lukan ad refḍeḍ afḍiṣ ɣures,ad a nekkes iziɣer-ik!

Imi d bab n wexxam i yebɣan anect-a, dacu ara-s-nini? Ulac.

Ad yini, wagi daxxam-iw, d acu ikken yewqiɛ ma bɣiɣ ad at hudeɣ.

Zik-nni,iɣermanen sɛan nnif, Tamaziɣt tuɣ amkan ageldan deg  ulawen n sen, tuɣal amzun d tislit, d targit, d iswi…tettazal am idamen di tfekka n sen.

Deg idles n sen qqaren:-<<win ur nesɛi nnif, awer t-id yaf  lexrif.>>

Tura,ibeddel wakud,bedlen iɣermanen, bedlen imenzayen…uɣalen qqaren:<<Win ur nesɛi idrimen am uṭarus war assirem.>> Uɣalen <<matérialistes>> ,sɛewjenten yidrimen.zemren ad zenzen yemma-tsen akken ad aɣen takerrust ɣlayen, icebḥen d wayen nniḍen.

S yisem n tlelli, u nezmir-ara an xdem acema i win yebɣan ad yuɣal d aɣyul, ad yenker aẓar-is.

Ma tkemmel akka ad att nger Tmaziɣt d tidett, yerna abrid-a ilebda axaṭer ulac irgazen yecban Dda lmulud akken ad-a-ttid-smenɛen.

Yal ass, nsel, nettwali di temdinin neɣ di tuddar tiɣawsiwin ig qerḥen ulawen.

-Nesla i leqbayel ttmeslayen s tutlayin nniḍen anagar Taqbaylit.

-Nesla i yimawlan hedren i warraw n sen s Taɛrabt neɣ s Tefransist.

-Zik-nni, leqbayel sexdamen ismawen n tǧadit yecban Muḥend neɣ Tasaɛdit, tura sexdamen ismawen n tmura tijentaḍ.

-Llan kra iɣermanen, as tiniɣ ur sɛin ara allaɣen, deg umkan n sen llan ijeɛbuben imeqranen, ttmeslayen, qqaren: i wacutt akka Tmaziɣt-agi? Ur-t- seččay-ara aɣrum!

Sghur Hemmar Bussaed

Laisser un commentaire