Tamughli n Albert Camus ghef tzuri. Sghur Hemmar Bussaed.



Yal anazur yebgha ad yawed yisem-is gher tqacuct. Nekk s yiman-iw, ur zmiregh ara ad idiregh war tazuri. Anazur ur ilaq ara ad yetthiz iman-is di tmetti. Ilaq ad yemmeslay ghef ayen iceghben akk imdanen: uguren iten iqerhen d wayen iten yessefrahen. Anazur ur yemgarad ara d yimdanen nniden. Inazuren n tidet ur heqqren ara imdanen, ttqelliben amek ara ten fehmen akken ad beggnen uguren d lbatel i ttidiren di tmetti negh di lhebs, di yal tamnadt n umadal. Ur ilaq ara aten yawi zhu n tudert, n tmerkantit negh n tlelli.

Tira tezmer ad tili d isegh ma yella win yettarun yettbib ghef tuyat-is tawaghit d usirem i yezdin imdanen. Akken yebghu ixus umaru, ilaq ur iqebbel ara lekdeb d lbatel. Ilaq ad yehrez ilebda deg ul-is tayri n tidet akked d tlelli. Tighawsiwin -agi ma yella yefka asent azal, ulac win ara t- yiffen di tirrugza, ad yecbu lbaz deg udrar, ccan-is ad yali gher yigenni. Anazur yezga di tlemmast n yillel, ur ilaq ara ad yezzer, ilaq ad ihader iman-is ghef lemwaji, ad isellek iman-is s tebghest, tiherci d tezmert.

Llan kra inazuren bran i ttbel deg waman, sfeclen-ten igad ur yuminen ara yisen akken ur uminen ara s tlelli n tzuri. Anazur ilaq ad yamen s tezmert-ines. Ma yella yumen s yiman-is, ula ttighawsiwin nniden yecbabn: itij, agur, iran…ad ddun deg ubrid-is. Ma yella anazur yegga abrid n tilawt, yedfer abrid n targit akken ad yesgunfu, anect-a ur yelha ara. Anamek-ines, yegga annar d ilem i yiedawen n tzuri,  iedawen n tudert d cbaha.Yugi  negh yugad ad yesker amenugh yid sen.

Kra n yimdanen xeddmen tazuri i tzuri. SSenf-agi yecgheb kan taqemict n yimdanen, yenker asget deg sen. Atas n yimdanen bghan ad hizen anazur di tusaft. Nekk, ur qbilegh ara tikti-agi. Anazur ur ilaq ara ad yettmeslay kan i lemri, ilaq tutlayt-is ad t-awed gher yimdanen akk yettidiren deg umadal. Ilaq anazur ad yemeslay ghef isental id ttmagaren yimdanen di tudert nsen n yal ass yecban: tayri, tudert, lmut, lehwa, lebghi…

Tazuri yebnan ghef lekreh, lbatel, tameheqranit ur tesea ara immal, aswir negh iswi. Anazur n tidet d win yettnaghen ghef izerfan n wemdan akken ad yidir tudert anda tella: tayri, talsa, tilelli, tirrugza, tidet, taghdemt, cbaha.

Discours d’Albert Camus (Prix Nobel 1957), adapté par Hammar Boussad

Laisser un commentaire