Tayri tugar lmut. Sghur Hemmar Bussaed.



Tadyant-agi yessewhamen atas macci cwit tedra di tilawt di taddart n Tizi n Tament di tmurt n Vietnam. Yiwen wergaz, isem-is Mhend n Tayri , yesea azal n 60 iseggasen di laemer-is, yugar tamettut-is s mraw (10) iseggasen. Ihi Mhend n Tayri ihemmel tamettut-is ugar n tudert, ugar n tziri, ugar n tefsut, ugar n yal taghawsa.

Yiwen wass, temmut tmettut-is, isem-is Tiziri  Nat Igenni. Yugi ad yeqbel lmut-is, yugi i yimezdagh n taddart ad tawin s axxam-is aneggaru. Akken yeqqar yinzi: “Temmut yemma-s, yeffer agelzim”. Yewwi-d abeckid, yenna-as: “Win ara d iqerben, ad t-yecc rssas.”

Amek ara xedmen imezdagh n taddart, cetkan gher yimdebren n tghiwant. Aqerruy n tghiwant yeghra i yemsulta. Imsulta ruhen-d s yemrigen, wwin tamettut, nettlen-tt deg uzekka. Imi ruhen, iruh Mhend deg yid s tufra, yekkes-d tamettut-is, yewwitt yid-s s axxam. Ughalen-d yemsulta nettlen-tt, yughal dighen yekkes i-tt-id. Tagara, ugin ad ughalen yemsulta, nnan-as:  –“D acu ara s nexdem i umexluq-agi, iban yehlek, ilaq ad iwali amejjay. Yerna, Rebbi yekkes-as tin ihemmel, i nekkni  d acu ara nerbeh ma negrit gher lhebs, ad nesnerni kan ifeddixen-is.”

Yal ass, Mhend yehrez tafekka n tmettut-is: As yemced, as yecucef, as yexdem tafenda, as yesres iselsa imaynuten, as yesbegh ticenfirin-is s uzeggagh, as ikehel tatucin-is s uberkan…ticki ifuk ad t-yettef gar ighalen-is, ad t-yesuden, ad s yeslef i tfekka-s, ad yettes yid-s amzun akken tedder.

Akka i zrin 13 iseggasen armi d asmi yemmut.Nettlen-ten imezdagh n taddart deg yiwen uzekka war uguren.

Sghur Hemmar Bussaed

Laisser un commentaire