Tisemhuyin, yal yiwet s ccbaḥa-s



Yal aseggas yesɛa ukuz n tsemhuyin: ccetwa neɣ tagrest, anebdu, amwan neɣ lexrif, tafsut.

Yal tasemhuyt tesɛa ayen yelhan d wayen n diri.

Asget n yimdanen ḥemmlen anebdu akked d tefsut, asget n yimdanen kerhen amwan akked d tegrest.

ɣef  leḥsab imusnawen, lexrif yifit lḥif axaṭer txxuṣ tafat, ccbaḥa d ussirem.

Di lexrif, ixeddamen ttuɣalen s axeddim, inelmaden ttuɣalen s aɣerbaz, isekla ttiwriɣen, iferrawen nsen ɣellin ɣer lqaɛa.

Amdan yettmilli ɣer tussaft, yettxemmim aṭas u yerna tikwal iberru i ṭbel deg waman.

ɣef leḥsab imedyazen, tafsut tugar akk  tisemhuyin. Yal taɣawsa att tafeḍ tefsi,tejuǧeg, tettaḍṣa :isekla, imɣan, idɣaɣen… ula d ifrax, d  ijeǧigen      diferṭeṭa  zgan tturaren di lferḥ d tayri.

Ccetwa xas ma tenfeɛ, tesewḥac  imdanen.

Abeḥri, lehwa, aṣemmiḍ…ma yerna-d wegris, wedfel d webruri, igellil ittergigi.

S wacu is-ara-yeseḥmu? S lmaẓut, s lgaz, s wesɣar, s trisiti …ar ɣures ɣlay kulec.

Atan yussa-d unebdu, d lawan n zhu. Ussan ɣezifit, itij yeṣeɛṣeɛ di  sbeh armi dtamedit.

Inelmaden ferḥen, ad d-awin imuras iɣezfamen.

Ad d-ruḥen ɣer Bgayet neɣ Aẓẓefun, ad d cfen di teftisin. Igad yemmseḥmalen, aṭas iṣebren, ad d –xedmen timeɣriwin akken ad d-zdin ulawen. Cnawi, tiɣratin, ccdeh, lhenni, abendayer d igitarren d wigi i yɛemren uḍan unebdu. Ma yella deg zal ttikkin  iwerǧeǧiyen, ula d nutni ttawin-d tazwayt yelhan.

Sghur Hemmar Bussaed

 

Laisser un commentaire