Tislit n wAnzar : Ansay id izegren tisutwin



Anzar d Rebbi n igenwan, n waman, n yighezran, n lehwa d lebhur. Qqare-as dighen agellid

n ugeffur. Zik, di Tefriqt Ugafa, ticki yella ughurar, xusen waman, imdanen akk ad deun Anzar

akken ad teghli lehwa, ad yekfu ughurar i yeserwan lhif d lemrar I yimdanen d yimghan d ighersiwen. Ad d tsughun: Anzar! Anzar! A Rebbi, switt ar azar!

Zik n zik, ghef akken id hekkun imezwura, ighersiwen ttmeslayen, irebbiten ttcabin gher yimdanen. Anzar yettbin-d  s talgha n teslit n wAnzar.

Yiwen wass, Anzar yeffegh-d  deg waman, iwala yiwet n teqcict ineflen d ccbaha,  t- tteccef di temda. Yaeceq deg-s,dgha , yeggul ad tughal d tamettut-is. Taqcict-a, tugh tanummi t-tteccef di temda maca ticki I twala kan Anzar, ad d terwel fell as.

Yiwen wass, yenna-as:

-“Am lebraq, cergegh igenwan, a yitri yiffen itran. Ad d tillid-inu, mulac, am kksegh aman-agi.”

Terra-as teqcict, tenna-as:

-“Di laenaya-k! a agellid n waman. Gzigh , nekk d kecc, ilaq ad n iddir akken maca ugadegh lehdur n yimdanen.”

Imi yesla imeslayen-agi, Anzar idewwer taxatemt n udad-is, dgha teqqur temda-nni.

Taqcict-nni, tettru, tettsughu gher yigenni:

– Anzar! Anzar! A win yeggujugen tibhirin! Egg aman ad lhun, ruh-d, awi yi yid-k.”

Din din ,twala agellid n lehwa, s talgha n lebraq. Yettef-itt  gar ighalen-is ,dgha tizegzewt

d waman ughalen-d  gher tmurt. Deg ass-nni,taqcict-nni tughal d tislit n wAnzar.

Ansay-agi, yeqqim-d  ar ass-a  di kra n tudar n tmurt Leqbayel. Arrac, tiqcicin ttcebihen,

Xedmen asfugel s uzawan d cnawi akken ad smektin Anzar: Rebbi n ugeffur.

 

Sghur Hemmar Bussaed

Laisser un commentaire