Tixurdas n Gehha. Sghur Hemmar Bussaed.



Yiwen wass, Gehha yebgha ad yexdem seksu maca ur yesei ara taccuyt axater d azawali. Amek ara idebber aqerruy-is, iruh gher tjarett-is, yenna-as:

-“ Azul a Nna.Suhila, di laenaya-m, effek i-yi-d taccuyt ad sebbegh cwit n seksu.”

-“ D wagi kan i d ugur i teseid a Gehha, axx  taccuyt, ticki tfuked amahil, awitt-id s axxam.”

“Tanemmirt s tusda a Nna.Suhila. Lxir-im d ameqqran, ur t-ttettugh ara.”

Tezri azal n smana, yughal Gehha gher tjarett-is, yenna-as:

“Azul a tajarett-iw aezizen, twaladt amek yettughal lxir i win it ixedmen.

Id yezrin, taccuyt-im turwed taccuyt tamectuht, attan inem.”

Tefreh atas Nna.Suhila, tura tesea snat teccuyin:yiwet meqret, tayed mectuhet.

Zrin azal n mraw wussan, yughal-d  Gehha i tikelt nniden:

-“Ass ameggaz a Nna.Suhila. Uhwajegh tasilt nni inem.”

“Attan a Gehha, awitt, hader-itt, ticki tfuk-d yis, err-itt-id.”

-“Ar tufat, qqim di lehna a Nna.Suhila!

-“Ruh d wayed a Gehha.”

Yezri wagur, Gehha ur yerri ara tasilt. Nna.Suhila tetqeleq, truh-d s axxam-is.

-“Err-i-yi-d taccuyt-iw, abrid-a, bezzaf i teetled.”

Gehha yettru, imettawen-is ghelben lehwa n tegrest.

-“Acu ik yughen a Gehha? Acimi i tettrud?

-“Temmut teccuyt-inem. Tghad-i-yi macci d kkra.”

“Berka ur ttkelix ara fell-i a Gehha akken  i tughed tannumi tettkelixed ghef yimdanen. Tagi ur tetteeday ara di cwari. Teedda tilas.”

Gehha akked d-tajarett-ines nnughen, sekkren aghebbar di taddart. Taluft tewwed armi d axxam n teghdemt. Yal yiwen yehka-d tadyant amek i tedra.     Di tagara, anezzarfu yefka azref i Gehha ,yenna deg awal-is aneggaru: “Taccuyt id yurwen, tezmer ad temmet, d sswab id yenna Gehha.”

Sghur Hemmar Bussaed.

Laisser un commentaire