TTRAD ASEMMAD GAR NEKK D YIMAN-IW



-Idelli imi ttsegh, sligh i ssut n yiman-iw yeghar-iyi-d.

-A Bussaed! A bussaed! A Bussaed!

-Niqal, ur bghigh ara at jawbegh. Tixer-as ad iegged, ad yeeyu, ad yessusem. Ughalegh sligh-as ihedder wehd-s, wehd-s.

-Aeni yemmut! Iban ur yettuzum ara umexluq-agi, ad iruh srid gher gahenama.

-Twaladt d acu ihedder fell-ak. Ekker ! Beggen-as id belli ur temmuted ara, belli tellid, tettidired. U yerna d acu it yekcem weghbel ma t-ttuzumed negh ala?

-Kregh-d, ruhegh ad sirdegh udem-iw. Wallagh yiwen wemdan di lemri yettcabi ghur-i. Ur yiejib ara, ccuktegh d winna n zgelli id yenna-n ur t-ttuzzumed ara. Yesea zher,tili rzigh anzaren-is. Hedderegh-as, yugi ad yerr awal.

-Hader kan, ad truhed, ad tecced rremdan!

-D kecc ara y id yinni-n ma d ccegh nnegh ad uzzumegh! D acu-k akken ad t-debred fell-i.

-Nekk d ccix, ssnegh abrid n Rebbi wama kecc d amedyaz.

-D acu dighen ik xedmen imedyazen imi I tent kerhed?

-Tamedyazt d lehram. Daxel n tefyar-is, i tteffaren ccwaten.

-Safi tebghid ad inni-d, nekk d ccitan imi hemmlegh tamedyazt.

-Kecc d ccitan ih!

-Ghul-iy-i, nekk ghur-i, ccitan ihemmlen tamedyazt xir n wemdan ikerhen tamedyazt.

-Ad yexzu Rebbi ccitan!

-Truh-iy-id yiwet n tikti tgerrez. Imi yekreh tamedyazt, ad as id awwigh asefru, ahat ad inejli, ad ayi ffek lehna. Akken kan bdigh asefru, yessusem, hulfagh teghli-d lehna anect-ilat…

Cwit acemma, uffigh-d iman-iw ihedder yid-i negh ahat d nekk ig heddren yid-s, ur zrigh ara.

-Imdanen kesben ikkerrusen, idrimen, ixxamen…kecc tkesbed isefra! Cuktegh                 t -drewced!

-D acu ara xedmegh s ukkerrus? S usefru, zemmregh ad inigegh ar umadal di kra n dqayeq. Ma d idrimen ur ten uhwagegh ara. Nekk ur ttiddiregh ara akken ad ccegh am keccini. Nekk ghur-i, yal asefru d tighremt anida I ttughalegh d agellid ma d imdanen am kecc, ulac win ig zemmren ad ten yehkem acku ur teseim ara imenzayen. Nekkni ,nugi aekkaz, kunwi , tugim tugdut.

-Tugdut, d ikafriwen i tt-id yesnulfan ma d aekkaz yelha kan i weghyul. Atan yekker trad di kra n tmura umadal. D acu ara xedmen isefra akken ad aghen lehna? D acu ara xedmen isefra mgal imrigen? Ulac!

Zik nni, asmi fkan yimdanen azal I tmedyazt, ttnaghen s isefra, ur yemmut yiwen, ur yejrih yiwen. Tura, imi tughal tmedyazt d lehram, times tughal d lehlal, yeereq lehsab I tiffin. Ruh gher Lalman ma mazal id yeqqimen deg ughrab n Berlin, ad as neiwed lebni gar icenga, ahat ad nehbes tazla idamen.

-Ccah! Nekk rebhegh akayad n l BAC, kecc xati. Tura, ad zereegh lehlawat deg yiberdan anida tteedayen ihessaden ik yecban. Cfigh asmi id nnid: Ur tezmired ara ad t rebhed ula d akayad n 6eme. Tennid-d dighen: Allagh-inek anect n wallagh n tyazidt. Tecfid negh ala?

-Tesmektad-iyi-d. Tiyuzad-nni inu, ur ttarwent ara timelalin tagara-agi akken ughent tannumi. Ur zrigh d ahlak I helkent negh d uguren I seant? Deg asmi yemmut uyazid-nni inu, heznent, yal tayazidt tettghima kan wehd-s. Cuktegh d ugur n tayri I seant.

-Tayri gar ighersiwen d lehram!

-Hader kan ad inni-d, ula d ighersiwen ilaq ad rsen lhijab.

-Lhijab ilaq I tlawin. Inslem ilaq ad yagh 4 n tlawin akken ad yexdem ssuna n nnbi.

-Ala anecta I yelhan di din-agi nwen. Inselmen ur ten inneq ara usemmid, ur tthulfun ara s tussaft, yerna ad rwun lehnana. Wama agur-agi n rremdan bezzaf. Ilaq ad nuzzum kan  5 negh 10 wussan ma yella tidet d agur n rrehma.

-Ak yexzu Rebbi a ccitan! Kecc d akafriw! Ak tecc tmes n gahenama! Teseid zher, ur d wwigh ara ajenwi negh abeckid; tili I kksegh izigher-ik u yerna ad kecmegh gher temsumt.

-Tura fehmegh ayen is yenna Lwennas: “ Ma ttfen-tt, ad tenger, tekfa .”

 

Tacequft n umezgun sghur Hemmar Bussaed.

Laisser un commentaire