Yettqelib weqjun amwanes. Sghur Hemmar Bussaed.



Zik, akken d ḥekun imezwura,hedren iɣersiwen. Yella weqjun yettidir weḥdes.

Asmi yeɛya di tussaft, yebɣa ad yaf amwanes. Aɣersiw amzwaru id yemmuger d awtul,  yenna-as :

-Dacu tenni-ḍ a nuɣal d imdukkal ?

Awtul yeqbel. Ddan akken ferḥen armi id yeɣli yiḍ, ruḥen ad ṭṭṣen. Cwiṭ acema, yebda weqjun yeshewhiw. Yukk-d wewtul s jiɛeran, yenna-as:

-Dacu ik yuɣen ? Aɛni tedrewced! Ad isel wursu, ad yas,ad aɣ yečč di sin.

Awtul agi yettaggad tili-s. arfiq am agi yifit lḥif.

Iruḥ weqjun yettqelib ɣef  wursu. Yufat yettṣeggid di tlemmast n teẓgi, yenna- as:

-Acḥal aya ttqelibeɣ ɣef  amwanes.

-Ula d nekk, yečča-yi lxiq weḥdi.

Dukklen akken, ttqeṣiren armi id yeɣli yiḍ, ttnudumen, yenna-as wursu:

-Iḍ ameggaz a yamdakkel amaynut.

-Eṭṭeṣ di lehna ula d kečč a yursu.

Zrin-t kra n dqayeq, yebda weydi yessegglaf. Yukki-d wursu, allen-is berqent deg urfan, yerfa, yečča times.

-Susem a yaɣyul! Ad isel wergaz, ad iruḥ subeckiḍ, ad aɣ ineɣ di sin.

Abrid nniḍen, aṭarus u yufa-ra amdakkel iwatan if ara yettkkel.

Iruḥ weqjun, yettqelib ɣef amdan. Yeffeɣ cwiṭ i tezgi, yufa yiwen wergaz iggezzem isɣaren, yenna-as:

-Aɛeyyiɣ di  tussaft,ttqelibeɣ  ɣef  amwanes acḥal aya.

Yefka-k-id Rebbi.Ula d nekk,bɣiɣ  amwanes. Tameṭṭut-iw temmut, igerdan ulac, axxam yuɣal yesewḥac.

Imi ifuk wergaz amahil, dukklen akken s axxam.Imi d yeɣli yiḍ, ruḥen ad ṭṭṣen.

Cwiṭ acema, yebda weqjun yeshewhiw. Yekred wergaz yesselfa-s, yenna-as:

-Dacu ik yuɣen? Ur taggad, aqli da! Ma telluzze-ḍ, ɛeddi a ttečč-ḍ, ma t fud-ḍ,  ɛeddi att sweḍ,mulac, jaɣ ad a neṭṭes.

Deg ass-nni, aqjun d wemdan uɣalen d imdukkal i lebda.

Sghur Hemmar Bussaed.

Laisser un commentaire